NDUGU VENUS NA SERENA WILLIAMS KUVAANA FAINALI YA AUSTRALIA OPEN

Ndugu Venus na Serena Williams watakutana katika finali ya Grand Slam kwa mara ya tisa baada ya dada hao Wamarekani kufanikiwa kushinda michezo yao ya nusu fainali huko Melbourne.

Mchezaji anayeshika nafasi ya 13 duniani Venus, 36, alimshinda Mmarekani mwenzake Coco Vandeweghe kwa seti 6-7 (3-7) 6-2 6-3 katika nusu fainali ya kwanza na kutinga fainali yake kubwa ya kwanza tangu mwaka 2009.

Naye mchezaji namba mbili duniani kwa mchezo huo wanawake Serena, 35, alimtoa mchezaji asiyenanafasi Croat Mirjana Lucic-Baroni kwa seti 6-2 6-1 na kutinga fainali za michuano hiyo ya Wazi ya Australia.