MEYA MWITA: AKINA MAMA NDIYO NGUZO YA TAIFA

 Meya wa Jiji la Dar es Salaam Isaya Mwita akizungumza na wakina Mama waliohudhuria semina hiyo. 

 Meya wa jiji la Dar es Salaam Isaya Mwita mwenye kofia katikati akizungumza na wakina mama (hawapo pchani)

Meya wa jiji la Dar es Salaam Isaya Mwita mwenye kofia katikati akizungumza jambo na Mwanaharakati wa kipindi cha Wanawake Live Joyce Kiria wa kwanza kulia , wakati wa ufunguzi wa semina ya vikundi vya wakina mama vya wanawake Live iliyofanyika Pugu jijini hapa leo.kushoto ni Diwani wa kata ya Pugu Henry Kilewo.

               Wakimama waliohudhuria semina hiyo wakimshangilia  Meya wa jiji la Dar es Salaam          Isaya Mwita (hayupo pichani)

 kutoka kushoto ni  Meya wa jiji la Dar es Salaam Isaya Mwita akiwa kwenye picha ya pamoja na joyce kiria na Diwani wa kata ya Pugu Henry Kilewo.

NA CATHERINE ALLAN/bintitz.blog

MSTAHIKI Meya wa Jiji la Dar es Salaam, Isaya Mwita amesema anatambua mchango mkubwa unaotokana na akina mama na hivyo kuwataka wanaume kuwaunga mkono kwaasilimia 100 katika shughuli za maendeleo.

Meya Mwita alitoa kauli hiyo jana wakati wa uzinduzi wa vikundi vya akina mama vya Wanawake Live uliyofanyika Pugu, Halmashauri ya Manispaa ya Ilala.

Meya Mwita alisema wakina mama ndio msingi mkubwa ndani ya familia ,Taifa  kutokana na mchango ambao huutoa  jambo ambalo linaleta ustawi mkubwa wa maendeleo.

Aliongeza kuwa licha  ya changamoto ambazo hukutana nazo lakini wamekuwa ni watu wasio kata tamaa hivyo akasisitiza kuwa wakina baba wanatakiwa kutoa ushirikiano wao kwa asilimia 100.

Aidha Meya Mwita aliwapongeza wa kina mama kutokana na ubunifu waliokuwa nao kila kukicha katika kujitafutia maendeleo na hivyo kuwa msaada mkubwa ndani ya familia zao ikiwemo kuwasaidia majukumu wakina baba.

“ Natambua mchango wenu sana, mmekuwa wabunifu , mnajishughulisha kwenye mambo mbalimbali ya kimaendeleo, mmekuwa mstari wa mbele kutengeneza miradi ambayo inasaidia kwenye familia zenu bila hata wakina baba kushiriki.

“ Hivi sasa mmeanzisha vikoba hii yote ni katika kujituma kwenu ili muondokane na umasikini, nawapongeza sana” alisema Meya Mwita.

Akizunguzungumzia changamoto zilizopo kwenye dampo, la Pugu Kinyamwezi, Meya Mwita alisema wameanza kuandaa utaratibu ambao utawasaidia kuondokana na chagamoto hizo.

Alisema suala la dampo limekuwa ni changamoto kubwa lakini hadi kufikia Agosti mwaka huu, utaratibu huo utakuwa umeshatolewa.

Akizungumzia suala la maji ,alisema kuwa Kata yaPugu imekuwa na changamoto hiyo na hivyo kuwa kero kwa wakina mama lakini kwa sasa upo mpango wakuwawezesha kupata visima vitatu vya maji.

 Alisema kwenye shughuli za maendeleo hakuna mambo ya vyama na kwamba viongozi walipo kwenye nafasi zao wanatakiwa kuwatumikia wananchi wote ili kuhakikisha wanapata maendeleo waliyoahidiwa.

“ Kwenye maendeleo hakuna mambo ya vyama, kila mmoja anahitaji maendeleo, mambo ya vyama hivi sasa tunayaweka kando,  ili kupata muda wa kufanyakazi moja tu, ya kuwatumikia wananchi ambao mmetuchagua” alisistiza.

“ Ndani ya jiji hili tunataka kuleta maendeleo, ili mwaka kesho nikija kusimama hapa yale ambayo tunayazungumza leo, tusiyarudie tena na badala yake tuzungumze mambo mengine.