CRISTIANO RONALDO AWATAMBULISHA MAPACHA KWA KAKA YAO RONALDO JR

Mchezaji Cristiano Ronaldo amewatambulisha watoto wake mapacha kwa kaka yao Cristiano Ronaldo Jr jana wakati walipokuwa pamoja kama familia kwa mara ya kwanza kwa mapumziko.

Ronaldo, 32, ametupia kwenye ukurasa wake wa Instagram picha yenye kuonyesha upendo akiwapo yeye na mtoto wake wa miaka saba wakiwa wamewakumbatia mapacha hao Mateo na Eva.

Mchezaji huyo nyota wa Real Madrid alibainisha taarifa za kujaliwa kupata watoto hao mapacha waliozaliwa na mama ambaye hajajulikana kwa kutumia njia za kitaalamu za kupandikiza ujauzito.