Okinoshima – Japan ndicho kisiwa kisichowaruhusu wanawake bali wanaume pekee kuzuru kisiwa hicho.Jopo la ushauri limependekeza Shirika la Umoja wa Mataifa kuhusu Elimu,
Sayansi na Utamaduni (UNESCO), itambue kisiwa hicho kama turathi ya
ulimwengu. Uamuzi unatarajiwa kufanywa katika mkutano wa Unesco mwezi
Julai mwaka huu.
Kisiwa cha Okinoshima, hutumika kufanya matambiko kwa ajili ya usalama
wa meli na pia wakazi wa Japan hutumia kisiwa hicho kuwasiliana na
wakazi wa rasi ya Korea na China kati ya karne ya nne na tisa.
Katika kisiwa kuna miiko kama vile wanawake kutofika hapo pamoja na
wageni wa kiume kutakiwa kuvua nguo zote kabla ya kufanya tambiko la
kujitakasa. Aidha, hawatakiwi kufichua chochote kuhusu walichoshuhudia
wakiwa kwenye ksiwa hicho.
“Haya ni baadhi ya mambo ambayo itabidi yazingatiwe iwapo kisiwa
kitaorodheshwa kuwa turathi,” anasema Asahi Shimbun, na kueleza kuwa
huenda kisiwa hicho kikawa maarufu sana kwa utalii.
Hata hivyo, bado hakuna uwezekano kwamba marufuku dhidi ya wanawake kufika katika kisiwa hicho kitaondolewa.
Post a Comment