Simbachawene, DC Ilala: Wamachinga Waondoke Haraka Kwenye Barabara za Mwendokasi January 25, 2017

DAR ES SALAAM: Wakizungumza kuhusu utekelezwaji na uboreshwaji wa Mradi wa Mabasi Yendayo Haraka jijini Dar mara baada ya uzinduzi wa awamu ya kwanza ya mradi huo,  Mkuu wa Wilaya ya Ilala, Bi. Sophia Mjema na Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI) Mhe. George Simbachawene wametoa agizo kwa wamachinga wote wanaofanya kazi zao kandokando ya barabara za mabasi ya mwendokasi waondoke wenyewe kulekea kwenye maeneo waliyotengewa ambayo moja wapo ni Mtaa wa Lumumba kabla ya Manispaa yake haijachukua hatua za kuwaondoa kwa nguvu.

Bi. Mjema ndiye alikuwa wa kwanza.

“Nitoe wito wangu kwa wamachinga wote wanaofanya shughuli zao kandokando ya barabara za mabasi haya ya mwendokasi walioko maeneo ya Msimbazi, Kariakoo na kwingineko katikati ya jiji la Dar es Salaam waondoke wenyewe, kuelekea kwenye maeneo waliyotengewa ambayo moja wapo ni Lumumba.

Hatuwezi kuwavumilia kuendelea kuleta usumbufu, kufanya biashara barabarani,  ajali zisizo za lazima. Hawa ni Watanzania wenzetu tunawapenda, wasifikiri kwamba hatuwezi kuwagusa, tunawaomba waondoke kabla hatujawaondoa sisi wenyewe.” Alisema Mjema.

Simbachawaene akafuatia

Naye Waziri wa Tamisemi, George Simbachawene ameongeza kuwa wmachinga wanaofanya biashara zao kwenye njia za waenda kwa miguu waondoke mara moja kwani wanavunja sheria na kusababisha madhara na hata watembea kwa miguu kugongwa na magari na kufa.

“Ninatoa agizo kwa wamachinga wote wanaofanya biashara wenye njia za wtembea kwa miguu waondoke waende kwenye maeneo rasmi waliopangiwa.

Barabara hizi zimejengwa kwa ajili ya usafiri, magari, pikipiki, na pebeni ni baiskeli na watembea kwa miguu na siyo kwa ajili ya watu kuwea biashara zao.

“Wanaovuka kwa miguu wamekuwa wakipata ajali na kufariki kutokana na wamachinga kubana barabara kwa kufanya biashara zao na kusababisha adha hiyo kwa watembea kwa miguu.

“Nimemuagiza Mkuu wa mkoa wa dar es salaam, paul Makonda alishughulikie suala hilo haraka iwezekananvyo.” Alisema Simbachawene.