Diaspora kufanya Kongamano Zanzibar August 23 na 24

Watanzania wanaoishi nje ya nchi wametakiwa kuongeza juhudi katika  hatua za kujenga nchi yao kwenye mambo ya maendelo ili nchi  iweze kufikia malengo yake yaliyojiwekea kiuchumi na kijamii. Akitoa taarifa kwa  Waandishi wa habari Waziri wa Nchi Ofisi ya Rais Issa Ussi Haji Gavu juu ya Uzinduzi wa kongamano la Diaspora linalotarajiwa kuzinduliwa tarehe 23  na 24 ya mwezi huu katika ukumbi wa baraza la wawakilishi la zamani.

Amesema ili Tanzania na Zanzibar iweze kuendelea kiuchumi na kijamii lazima  wananchi washirikiane  na serikali  kikamilifu  katika hatua mbalimbali za maendeleo.

Hata hivyo amesema  mafanikio makubwa yameanza kuonekana kupitia michango ya watanzania wanaishi nje  ya nchi  hasa katika mambo ya maendeleo  ikiwemo katika sekta za Elimu,Afya  na miradi mengini ya kijamii jambo linaloleta faraja kwa wananchi.

“Watanzania wanaoishi nje ya nchi ni sehemu moja ya maendeelo  hivyo hawana budi  kuijenga nchi yao  ili kuweza kulisukuma gurudumu la maisha mbele kimaendeleo”Waziri Gavu amesema.

Aidha Gavu amewataka  watanzania  kuzitumia fursa za uwekezaji nchini  ili  kuweza kutoa nafasi za ajira kwa vijana  kuweza kuajiriwa ambapo itakuwa wameisaidia kwa kiasi kikubwa serikali katika mapambano la uhaba wa ajira.

Amefahamisha kuwa  katika siku ya uzinduzi  wa diaspora wafanyabiashara wa kibenki pamoja na wajasiriamali wataweza kupewa nafasi kuonesha huduma zao na biashara zao wanazozalisha.

Kwaupande wake Mkurugenzi wa  Diaspora Adila Hilali Vuai ametoa wito kwa  watanzania  hao  kuongeza  bidii katika kuijenga nchi yao kiuchumi na kimazingira ili kuwa bora kimaendeleo kwani wao ni wadau wakubwa  na wanahitajika katika kuendeleza taifa.

Amesema licha ya jitihada zinazochukuliwa na serikali kwa kushirikiana na  taasisi mbalimbali lakini bado  Zanzibar kuna changamoto mbalimbali ambazo zinahiataji kupatiwa ufumbuzi  ili maendeleo yaweze kupatikana kwa haraka.

Adila amesema kuna sekta  kuu muhimu lazima ziungwe mkono mara kwa mara ikiwemo Elimu,Afya na huduma nyengine za kijamiii ili  kuwasaidia wananchi wenye uhitaji na wanyonge wasiojiweza.

“Wakati umefika sasa wa  kuipigania Zanzibar  kufikia  katika  uchumi na maendeleo endelevu  ili wananchi waweze kuneemeka na fursa za maendeleo”Amesema Mkurugenzi Adila.

Zaidi ya watanzania 350 kutoka nje ya nchi wanatarajiwa ushiriki kongamano la diaspore  ambalo ni kongamano la 4 kufanyika nchini Tanzania.

Na:Amina Omar Zanzibar24