WACHEZAJI YANGA, SIMBA KUPIMWA KAMA WANATUMIA MADAWA KABLA YA MECHI

Shirikisho la Soka Tanzania (TFF) limeweka wazi kuwa wachezaji wote watakaocheza katika mchezo wa Ngao ya Jamii kati ya Yanga dhidi ya Simba watafanyiwa vipimo vya afya kuona kama wanatumia dawa ambazo haziruhusiwi michezoni.

Hilo limetamkwa na Ofisa Habari wa TFF, Alfred Lucas ambaye amesema lengo lao ni kuufanya mchezo kuwa wa haki na kukwepa udanganyifu ili mshindi apatikane kwa haki.

 “Hata hivyo hatujasema kwamba kuna timu fulani wachezaji wake wanatumia dawa, badala yake hii ni katika kujiridhisha tu,” alisema Lucas.