‘Tutapoza machungu kwa Mbao FC’ – Kocha wa Simba SC
Kocha wa Klabu ya Simba, Joseph Omog amekubali yaishe kuhusu ubingwa wa Ligi Kuu vodacom Tanzania Bara na kuahidi kuwa Klabu yake itapoza machungu kwa kuchukua ndoo ya Kombe la Shirikisho dhidi ya Mbao FC ili kupata nafasi ya kushiriki michuano ya kimataifa.
Klabu ya Simba SC imenyang’anywa tonge mdomoni na
wapinzani wao Yanga SC kwa tofauti ya magoli tuu! huku wote wakiwa na
pointi 68,Ingawaje bado Uongozi wa Simba unadai hautambui ushindi wa
Yanga mpaka rufaa yao walipeleka FIFA itakapotolewa majibu .
“Kila mmoja ameona jinsi ambavyo tulipambana
tangu mwanzo wa ligi mpaka mwisho wake ambapo tumekosa ubingwa kwa
tofauti ya mabao pekee, lakini nia yetu ilikuwa ni kuutwaa ubingwa ili
tujikatie nafasi ya kushiriki michuano ya kimataifa, Lakini hiyo siyo
kitu kwa sababu licha ya kukosa kwa njia hiyo ya kuchukua ligi, kwa sasa
tuna mechi ya fainali mkononi ambayo hiyo tunataka kuitumia kwa ajili
ya kupoza machungu yetu ya kukosa ubingwa lakini pia kujipatia nafasi ya
kushiriki michuano ya kimataifa ambapo mara ya mwisho ilikuwa miaka
mitano nyuma,”Alisema Omog kwenye mahojiano yake na Gazeti la Championi.
Simba SC itavaana na Mbabe wa Yanga SC ‘Mbao FC’ kwenye
fainali ya Kombe la Shirikisho litakalofanyika huko mkoani Dodoma
kunako Dimba la Uwanja wa Jamhuri tarehe 24 Mwezi huu na kama Simba
wakishinda basi watapata nafasi ya kushiriki Michuano ya Kombe la
Shirikisho barani Afrika.
Post a Comment